ფშაველი-აბანო-ომალოს დამაკავშირებელი გზის 36-ე კილომეტრზე მეწყერმა 2 ადამიანი მოიყოლა. ისინი „თუშეთის გზის" თანამშრომლები არიან და გზის აღნიშნულ მონაკვეთზე გაწმენდით სამუშაოებს ახორციელებდნენ.

„ქრონიკის" ინფორმაციით, ერთი ადამიანი სიმაღლიდან გადავარდა და ის სხვა თანამშრომლებმა ამოიყვანეს. 62 წლის კაცს კი ამ დრომდე ეძებენ. შემთხვევის ადგილზე მობილიზებულია საგანგებო სიტუაციების მართვის სამსახურის 5 სამაშველო მანქანა და 20-მდე მაშველი.

ინციდენტი რამდენიმე საათის წინ მოხდა. მანამდე გავრცელებული ინფორმაციით, მეწყერმა 3 ადამიანი მოიყოლა.