ჯანდაცვის მინისტრის, ეკატერინე ტიკარაძის განცხადებით, დღეის მდგომაროებით ე.წ. ეკლესიის კლასტერი არ გამოვლენილა.

როგორც ტიკარაძემ ჟურნალისტებს განუცხადა, ჯერ კიდევ შესაძლებელია, გამოჩნდეს დაავადებული პირი.

„რაც შეეხება მოლოდინს ეკლესიის კლასტერთან დაკავშირებით, დღეის მდგომარეობით, გამოვლენილი შემთხვევები არ გვაქვს, თუმცა კოვიდინფექციის გავრცელებასთან დაკავშირებით ჩვენ გვაქვს გარკვეულწილად სხვადასხვანაირი მოლოდინები, რაც იმას ნიშნავს, რომ შესაძლებელია ჯერ კიდევ გამოჩნდეს დაავადებული პირი", - განაცხადა ტიკარაძემ.