რუსთავში მამაკაცმა დედა სცემა. შემთხვევა მესხიშვილის ქუჩაზე მოხდა. "ინფო რუსთავი"-ს ინფორმაციით, 30 წლამდე მამაკაცი 60 წლამდე დედას ფიზიკურად გაუსწორდა. ქალს მრავალი დაზიანება აღენიშნება და საავადმყოფოში გადაიყვანეს.

ადგილზე მობილიზებული იყო სასწრაფო სამედიცინო დახმარებისა და კრიმინალური პოლიციის ეკიპაჟები.

დაშავებული კლინიკა "რუსთავში" მოათავსეს, ხოლო მამაკაცი ადგილზე დააკავეს.