მსოფლიოში კორონავირუსით დაავადებულთა რაოდენობამ 3 მილიონ 500 ათასს გადააჭარბა. ბოლო მონაცემებით, რომელიც worldometers-ზეა გამოქვეყნებული, მათი რაოდენობა 3 მილიონ 526 ათასს აღწევს.

ამავე მონაცემებით, გარდაცვლილთა რაოდენობა 247 ათასს შეადგენს. გამოჯანმრთელებულთა რაოდენობა კი 1 მილიონ 143 ათასია.

დღევანდელი მონაცემებით, კოვიდინფექციით გარდაცვლილთა რაოდენობით აშშ პირველ ადგილზეა, სადაც, ბოლო 24 საათის მონაცემებით, 524 ადამიანი გარდაიცვალა და მთლიანად მათი რიცხვი 67 968 ადამიანს შეადგენს; მეორე ადგილზე ესპანეთია, სადაც ბოლო დღე-ღამის მანძილზე გარდაცვალების 164 ფაქტი დაფიქსირდა და მათი საერთო რაოდენობა 25 264-ს აღწევს, მესამეზე კი იტალია 174 გარდაცვლილით, სადაც მთლიანობაში 28 884 ადამიანია გარდაცვლილი.