სურსათის ეროვნული სააგენტოს ნებართვის საფუძველზე, სიღნაღის მუნიციპალიტეტის ქ. წნორში მდებარე ღია აგრარული ბაზარი 4 მაისიდან მუშაობას განაახლებს.

დღეის მდგომარეობით, ბაზარი სრულად აკმაყოფილებს ჯანდაცვის სამინისტროს და სურსათის ეროვნული სააგენტოს მიერ დადგენილ რეკომენდაციებს.

იხილეთ გაცემული რეკომენდაციების ძირითადი ჩამონათვალი:

ბაზრის ადმინისტრაციამ უნდა უზრუნველყოს:

ტერიტორიის საჭიროებისამებრ რეგულარული რეცხვა და სამუშაო ადგილების სველი წესით დასუფთავება-დეზინფექცია;

ბაზრის ტერიტორიაზე სატვირთო და მსუბუქი მანქანის შესვლისათვის მათი რეცხვა და სადეზინფექციო ხსნარებით დამუშავება;

აგრარული ბაზრის ტერიტორიაზე, შესაბამის ადგილას, საკმარისი რაოდენობის ხელსაბანის და საპირფარეშოს არსებობა;

მომხარებელთა/მყიდველთა ნაკადის დაცვა, რისთვისაც საჭიროა მკაცრად განისაზღვროს და გაიმიჯნოს ბაზრის ტერიტორიაზე მომხმარებელთა/მყიდველთა შესასვლელი და გამოსასვლელი, სათანადო სავალდებულო ნიშნების მითითებით;

მოვაჭრე პერსონალის იდენტიფიკაცია და მათი ჯანმრთელობის მდგომარეობის გაკონტროლება ტემპერატურის გაზომვით;

აგრარულ ბაზარში მოვაჭრე პერსონალი ვალდებულია:

უზრუნველყონ მომხარებელთა/მყიდველთა შორის სოციალური დისტანციის დაცვა არანაკლებ 2 მ მანძილზე;

სამუშაოების შესრულებისას გამოიყენონ ინდივიდუალური დაცვის საშუალებები.

სამუშაოს დაწყებისა და დამთავრებისას სადეზინფექციო საშუალებებით დაასუფთავონ სამუშაო ადგილები და ის ხელსაწყოები, რომელსაც იყენებენ სამუშაო პროცესის მიმდინარეობისას;

მომხმარებლის/მყიდველის ვალდებულებები:

მოქალაქეები, რომლებიც ღია ტიპის აგრარულ ბაზარს ესტუმრებიან, პირბადეებით უნდა იყვნენ აღჭურვილნი;

დაიცვან სოციალური დისტანცია არა ნაკლებ 2 მ მანძილისა;

აგრარული ბაზრის ტერიტორიაზე შესვლა და გამოსვლა განახორციელონ მხოლოდ მითითებული სავალდებულო ნიშნის მიხედვით;

სურსათთან შეხება განახორციელოს მხოლოდ ერთჯერადი ხელთათმანის ან ერთჯერადი პლასტიკის პარკის გამოყენებით;