ქუთაისში ავტომობილი ველოსიპედით მოსარგებლე ბავშვს დაეჯახა. შემთხვევა ნიკეას ქუჩაზე მოხდა.
არსებული ინფორმაციით, ავტომობილი მაღალი სიჩქარით გადაადგილდებოდა.
ადგილზე სასწაფო სამედიცინო დახმარების ჯგუფი მივიდა და დაშავებული, 12 წლის გოგონა ინტერვენციული მედიცინის ცენტრში გადაიყვანა.
შემთხვევის ადგილზე სამართალდამცველები მუშაობენ.
არსებული ინფორმაციით, მძღოლი შემთხვევის ადგილიდან არ მიმალულა.
შსს-ს ინფორმაციით, გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც ავტოსატრანსპორტო საშუალების მოძრაობის წესების ან ექსპლუატაციის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.