ზუგდიდში, რუსთაველის ქუჩაზე ტექნიკის მაღაზია გაქურდეს. როგორც მაღაზიის მეპატრონე აცხადებს, წაღებულია 50 ათასი ლარის საქონელი.

„მაღაზია გაქურდეს კომენდანტის საათის დროს. წაღებულია ლეპტოპები, პერსონალური კომპიუტერები და ტელეფონები, დაახლოებით 50 ათასი ლარის საქონელი", - განაცხადა მან.

შსს-ს ინფორმაციით, მომხდართან დაკავშირებით გამოძიება დაწყებულია სსკ-ის 177-ე მუხლის მეორე ნაწილით, რაც ქურდობას გულისხმობს.