გურჯაანის მუნიციპალიტეტის სოფელ ძირკოკში, უძველესი ქრისტიანული სამარხი აღმოაჩინეს.
ყუთის ფორმის, ქვის სამარხს, ერთ-ერთმა ადგილობრივმა საკუთარი სახლის ეზოში, სასოფლო- სამეურნეო სამუშაოების დროს მიაგნო და შესაბამის სამსახურებს შეატყობინა.
გურჯაანის მუნიციპალიტეტის მერიის ძეგლთა დაცვის სამსახურის სპეციალისტის თამაზ მარკოზაშვილის ინფორმაციით, წინაწარი დათვალიერებით, ის სავარაუდოდ, საოჯახო აკლდამაა და მეოთხე-მეხუთე საუკუნეებს განეკუთვნება.
მსგავსი სამარხი სოფელში სხვა ადგილზეც აღმოჩნდა. სამარხი ნაშენია გათლილი ფილა ქვებით და შიგნით დამარხულია რამდენიმე ადამიანი.
ეს იმაზე მიგვანიშნებს, რომ მეოთხე-მეხუთე საუკუნეში აქ დასახლებული პუნქტი ყოფილა. სამარხი არქეოლოგიურ შესწავლას საჭიროებს- განაცხადა მარკოზაშვილი.
ძეგლთა დაცვის სამსახურმა ეროვნულ სააგენტოს სამარხის შესწავლისა და მისი ზუსტი დათარიღების თხოვნით, უკვე მიმართა.
პრაიმტაიმი