პირველი საუნივერსიტეტო კლინიკის სამედიცინო დირექტორი ლალი ტურძელაძე კლინიკაში მედპერსონალის ინფიცირების შესახებ გავრცელებულ ინფორმაციას არ ადასტურებს.

როგორც მან განუცხადა, კლინიკაში ჰყავთ სხვადასხვა ქალაქიდან თუ კლინიკიდან გადმოყვანილი ინფიცირებული მედპერსონალი, თუმცა, უშუალოდ, პირველი საუნივერსიტეტო კლინიკის პერსონალიდან არავინ დაინფიცირებულა.

"გამორიცხული არაფერი არ არის, მაგრამ ამჟამად არავის არ დადასტურებია. ყველას, აბსოლუტურად, უარყოფითი აქვს გუშინდელ აღებულ სინჯებში. დღეს მივიღეთ სახლში დასვენებული სტაფი და ჩვენთან ნამუშევარი გავუშვით სახლებში. 2 კვირიანი რეჟიმი გვაქვს, რომ არ გადაიღალოს ხალხი. ასეთ რეჟიმში ვართ, არაფერი ახალი და განსხვავებული, საავადმყოფო არ დახურულა. ვიღებთ ჩვეულებრივ პაციენტებს.

ჩვენსას, არცერთს არ დადასტურებია, არ არის გამორიცხული არაფერი, შეიძლება, ჩვენიც დაავადდეს. გვყავს სამედიცინო პერსონალი სხვადასხვა ქალაქიდან, მაგრამ, ამ ეტაპზე, ჩვენი არცერთი არ არის," - განაცხადა ლალი ტურძელაძემ "კურიერთან".