თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკას დღეს ოთხი გამოჯანმრთელებული პაციენტი დატოვებს,- ამის შესახებ კლინიკის დირექტორმა ლევან რატიანმა ჟურნალისტებს განუცხადა.

მისი თქმით, კლინიკაში ბოლო დღე-ღამის განმავლობაში კოვიდინფიცირების ახალი შემთხვევა არ დადასტურებულა.

„კლინიკაში ამ ეტაპზე იმყოფება 99 პაციენტი, მათგან ინფიცირებული 81 შემთხვევაა. ახალი შემთხვევა 24 საათში არ შემოსულა. დღეს კოვიდინფექციის გარშე ვწერთ 4 პაციენტს. მოვიდა 4 უარყოფითი პასუხი და რამდენიმე საათში დატოვებენ კლინიკას",- განაცხადა რატიანმა.