მსოფლიოში კორონავირუსისგან ერთ მილიონზე მეტი ადამიანი გამოჯანმრთელდა. სტატისტიკურ მონაცემებს ჯონს ჰოპკინსის უნივერსიტეტი ავრცელებს.

უნივერსიტეტის ვებგვერდზე, გამოქვეყნებული მონაცემების მიხედვით, ეპიდემიის დაწყებიდან დღემდე მსოფლიოში ახალი კორონავირუსული ინფექცია 3 231 701 ადამიანს დაუდგინეს, რომელთაგან 1 004 483 ადამიანი გამოჯანმრთელდა.

შესაბამისად, „კოვიდ-19"-ის დაძლევა, ინფიცირებულთა დაახლოებით მესამედმა შეძლო.

ყველაზე მეტი, 137 984 გამოჯანმრთელებული არის ესპანეთში. მეორე ადგილზე აშშ-ია, სადაც 124 449 ადამიანი განიკურნა. მესამე არის გერმანია, სადაც ვირუსი დაძლია 123 500-მა პაციენტმა

საერთო ჯამში, მსოფლიოში კორონავირუსით ამ დროის მონაცემებით, 229 447 ადამიანი გარდაიცვალა.

ახალი კორონავირუსის პირველი შემთხვევა ჩინეთში, 2019 წლის დეკემბერში აღრიცხეს