აჭარაში ინფიცირებულთა რაოდენობა არ შეცვლილა. 30 პაციენტიდან უახლოეს დღებში რამდენიმეს გამოჯანმრთელებას ელოდებიან. როგორც "მედალფაში" განაცხადეს, ხვალ დაიწყება განმეორებითი ანალიზების აღება.

მედიკოსების თქმით, გაუმჯობესდა მძიმე პაციენტის მდგომარეობაც, თუმცა ის კვლავ მართვით სუნთქვაზე რჩება.

"მედალფაში მკურნალობის კურსს 30 პაციენტი გადის, მათი მდგომარეობა შედარებით გაუმჯობესდა. მძიმე პაციენტი კვლავ ერთია, მართვითი სუნთქვა არის გამარტივებული, მდგომარეობა კი დინამიკაში გაუმჯობესდა. უახლოეს დღეებში ველოდებით განმეორებითი ტესტირების პასუხებს და სავარაუდოდ რამდენიმე პაციენტი დატოვებს კლინიკას,"- განაცხადა "მედალფას" დირექტორმა ალექსი გოხელაშვილმა.