გორის სამხედრო ჰოსპიტლის თანამშრომელს კორონავირუსი დაუდასტურდა. ის გორის მუნიციპალიტეტის სოფელ თერგვისში ცხოვრობს და ჰოსპიტალში სანიტრად მუშაობს.

გავრცელებული ინფორმაციით, ის გუშინ სოფელ კარალეთში ძმის ოჯახში იმყოფებოდა. მასთან კონტაქტში მყოფ პირებს თვითიზოლაციის რეკომენდაცია მიეცათ.

საქართველოში კორონავირუსი 517 ადამიანს დაუდასტურდა, აქედან 168 უკვე გამოჯანმრთელდა, 6 კი გარდაიცვალა. ინფორმაცია ამის შესახებ მთავრობის მიერ შექმნილ ვებგვერდ stopcov.ge-ზე გამოქვეყნდა.

საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას.