გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, ქვეყანას, ჯერჯერობით, ხორბლის დეფიციტი არ ემუქრება.

„მკაფიოდ უნდა ითქვას, რაც ჩვენ არაერთხელ განგვიცხადებია; გვაქვს სრული პასუხისმგებლობა აღებული იმაზე, რომ ქვეყნის ხორბლით უზრუნველყოფა არ შეფერხდეს. საქართველოში პურის ფასი შენარჩუნებულია, ხორბლის მარაგების შესახებ ამ ქვეყანაში კითხვის ნიშანიც არ დასმულა. პოპულისტური და დილეტანტურია გარკვეული ოპოზიციური ძალების განცხადებები, ისინი ჩვენი ფერმერების გრძნობებით მანიპულირებენ. მათ არ აქვთ პროფესიონალური ცოდნა დასკვნების გასაკეთებლად" - განაცხადა სოფლის მეურნეობის მინისტრმა მთავრობის ადმინისტრაციაში გამართულ ბრიფინგზე.