ლენტეხში დაინფიცირებული პირველი პაციენტი გამოჯანმრთელდა. სპეციალისტების განმარტებით, პირველადი შედეგი ასევე უარყოფითია მის მცირეწლოვან შვილთანაც, მას დღეს ჩუტარებენ განმეორებით ტესტირებას და იმედოვნებენ, რომ მამა-შვილი ერთად დატოვებს კლინიკას.
სახელმწიფო რწმუნებული რაჭა-ლეჩხუმისა და ქვემო სვანეთის მხარეში არჩილ ჯაფარიძე ლენტეხის ბლოკ პოსტთან იმყოფებოდა, საიდანაც უწყებათაშორის საკოორდინაციო საბჭოს დროული რეაგირებისთვის მადლობა გადაუხადა.
აგრეთვე, რწმუნებული მადლობას უხდის ექიმებს, მოსახლეობას და პროცესებში ჩართულ სამინისტროებს.
ამ ეტაპზე, ლენტეხის ე.წ ცხელების ცენტრში და ასევე, თვითიზოლაციაში არც ერთი ადამიანი არ იმყოფება.
ლენტეხის მუნიციპალიტეტში კორონავირუსით დაინფიცირების პირველი შემთხვევა 5 აპრილს დაფიქსირდა.