დღეს უკვე მეორე შემთხვევა დაფიქსირდა, როდესაც ბოლო 24 საათის განმავლობაში კორონავირუსით გამოჯანმრთელებულთა რიცხვმა დაინფიცირებულთა რაოდენობას გადააჭარბა. მართალია, დღეს ვირუსით, საერთო ჯამში, 19 ადამიანი დაავადდა, თუმცა დადებითი დინამიკა მაინც უფრო შთამბეჭდავი აღმოჩნდა და დღის განმავლობაში 21 პაციენტი გამოჯანმრთელდა. 

დადებითი დინამიკა პირველად 22 აპრილს დაფიქსირდა, როდესაც 10 ადამიანმა დაამარცხა კორონავირუსი და მხოლოდ 8 დაინფიცირდა. 24 აპრილს კი დამაიმედებელი ტენდენცია გაგრძელდა. განსაკუთრებით სასიხარულია ის ფაქტი, რომ საავადმყოფოებიდან 2 ათეულზე მეტი ჯამრთელი პაციენტი გაეწერა.

ამჟამად საქართველოში სულ დაინფიცირებულია 444 ადამიანი, ხოლო აქედან გამოჯანმრთელებულია - 132.