საქართველოში კორონავირუსი 5 წლის ბავშვს დაუდგინდა. ბოჭორიშვილის კლინიკაში აცხადებენ, რომ ბავშვი მარნეულიდანაა და მისი ოჯახის წევრებიც ინფიცირებული არიან. ბავშვი კლინიკაში დადასტურებული დიაგნოზით შეიყვანეს.

ბოლო მონაცემებით, საქართველოში კორონავირუსით ინფიცირების 420 შემთხვევაა დაფიქსირებული. 5 ადამიანი გარდაიცვალა, ხოლო 107 უკვე გამოჯანმრთელდა.

კარანტინის რეჟიმში 5 223 ადამიანი რჩება, სტაციონარში მეთვალყურეობის ქვეშ კი - 584.