კომენდატის საათის დროს, ყაჩაღობა მოხდა კასპის მუნიციპალიტეტის სოფელ თეზში.

"ნიუპოსტის" კორესპონდენტის ცნობით, შეიარაღებული და შენიღბული პირები ადგილობრივ ბიზნესმენს, თავს საკუთარი თევზის ფერმაში ადაესხნენ.

ადგილობრივების ინფორმაციით, სასტიკად გაუსწორდნენ და დიდი ოდენობით თანხა გაიტაცეს.

საუბარია 4 ათას ლარამდე თანხაზე. რაც შეეხება დაზარალებულს, მას სამედიცინო დამხარება კასპის საავადმყოფოში გაუწიეს და ის უკვე ბინაზეა გაწერილი.

საქმის გახსნას კასპის პოლიციის თანამშრონლები ამ დრომდე უშედეგოდ ცდილობენ. შინაგან საქმეთა სამინისტრო კომენტარს არ აკეთებს.