პაციენტი, რომელიც სახლში მკურნალობდა პრაქტიკულად გამოჯანმრთელდა. ამის შესახებ განცხადება დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსმა ხათუნა ზახაშვილმა გააკეთა. მისი თქმით პირველი ტესტის პასუხებით პაციენტს კორონავირუსი არ უდასტურდება, დილით ჩატარდება განმეორებითი ტესტი და თუ ისიც უარყოფითი აღმოჩნდა, ეს ნიშნავს, რომ პაციენტი გამოჯანმრთელდა.

შეგახენებთ, რომ საქართველოში, კორონავირუსით ინფიცირებული ერთ-ერთი პაციენტი სახლის პირობებში მკურნალობდა. მას შვილი უვლიდა, რომელსაც კორონავირუსი უკვე გადატანილი ჰქონდა.