ცოტა ხნის წინ კორონავირუსი საქართველოში კიდევ ორმა პაციენტმა დაამარცხა და მათი ჯამური რიცხვი ახლა 107-ს შეადგენს. სულ დღეს გამოჯანმრთელებულთა რიცხვი 10 ადამიანით გაიზარდა. ეს ნიშნავს, რომ პირველად საქართველოში, მთელი დღის განმავლობაში გამოჯანმრთელებულთა რიცხვმა დაინფიცირებულთა რიცხვს გადააჭარბა.

სპეციალური ვებ-გვერდის ცნობით, დღეს კორონავირუსის 8 ახალი შემთხვევა დაფიქსირდა და საერთო ოდენობამ 416-ს მიაღწია. 

ასე რომ, 22 აპრილს 10 ადამიანმა დაამარცხა კორონავირუსი და მხოლოდ 8 დაინფიცირდა. ეს ეპიდემიასთან ბრძოლის ხანგრძლივ პერიოდში პირველი შემთხვევაა.