კრიმინალური ფაქტი და ვნების კვირას მომხდარი დაპირისპირება ორ სასულიერო პირს შორის, რომელიც დაჭრით დასრულდა - ყინწვისის მამათა მონასტერის წინმძღვარმა, სავარაუდოდ, ცეცხლსასროლი იარაღით ჭრილობა მიაყენა ყინწვისის მონანული ავაზაკის სახელობის ახალი მონასტრის წინამძღვარს არქიმანდრიტი საბას.
კრიმინალური ფაქტი ეკლესიის ტერიტორიაზე მოხდა. გავრცელებული ინფორმაციით, შემთხვევას ადგილობრივი ეპარქიის მმართველი, რუის-ურბნისის მიტროპოლიტი მეუფე იობიც შეესწრო.
"კურიერი" დაუკავშირდა მროველ-ურბნელ მიტროპოლიტს, თუმცა ზარს მისმა მდივანმა მამა გაბრიელმა უპასუხა, რომელიც ფაქტს არ ადასტურებს.
მისი თქმით, მონასტერში დაპირისპირება არ მომხდარა.
"ვინ იგონებს ამ ყველაფერს არ ვიცი. არაფერი მაგდაგვარი არ ყოფილა," - აღნიშნა მამა გაბრიელმა კურიერთან სატელეფონო საუბრისას.
თუმცა ფაქტს, ადასტურებს შინაგან საქმეთა სამინისტრო. უწყების ცნობით, გამოძიება 236-ე მუხლით დაიწყო, რაც ცეცხლსასროლი იარაღის უკანონოდ შეძენა -შენახვას გულისხმობს.