საქართველოში კორონავირუსით კიდევ ერთი პაციენტი გარდაიცვალა. საუნივერსიტეტო კლინიკის დირექტორის ლალი ტურძელაძის თქმით, გარდაცვლილი 68 წლის მამაკაცია, რომელიც ბოლნისის კლასტერს ეკუთვნის.

„სამწუხარო ამბავია გარდაიცვალა მამაკაცი, რომელიც ჩვენთან აპარატულ სუნთქვაზე კარგა ხანს იყო. მას ინფარქტი ჰქონდა გადატანილი, სუნთქვის მწვავე უკმარისობით შემოვიდა და ამიტომაც მოხდა მისი აპარატზე გადაყვანა. სასუნთქ გზებშიც გართულებები ჰქონდა, შემდეგ მწვავე პნევმონია. სიკვდილის უშუალო მიზეზი იყო ფილტვის არტერიის თრომბოემბოლია“.- განაცხადა ლალი ტურძელაძემ.