ინფექციური საავადმყოფოს სამედიცინო დირექტორის, მარინა ეზუგბაიას, თქმით, 46 ინფიცირებული პაციენტიდან, 17-ის მდგომარეობა მძიმეა.

როგორც ეზუგბაია განმარტავს, კრიტიკული 2 პაციენტის ჯანმრთელობის მდგომარეობა დასტაბილურდა და ისინი შეგვიძლია მძიმე პაციენტებად მოვიაზროთ.

შესაბამისად, ინფექციურში მყოფ 14 მძიმე პაციენტს დაემატა ეს 2 პაციენტი და გუშინ მიღებული ერთ-ერთი პაციენტი, რომლის მდგომარრეობაც შედარებით მძიმე იყო და აღენისნებოდა პნევმონია. სულ კი კლინიკაში 17 პაციენტია, რომელთა ჯანმრთელობის მგომარეობაც შეიძლება შეფასდეს მძიმედ.

საქართველოში კორონავირუსით ინფიცირების 411 შემთხვევაა დადასტურებული. მათგან 98 ადამიანი გამოჯანმრთელდა. COVID-19-ით ქვეყანაში 5 პაციენტი გარდაიცვალა.