ბოლნისში, კოვიდ-19 სასწრაფო სამედიცინო დახმარების კიდევ ერთ თანამშრომელს დაუდასტურდა.

როგორც Imedinews-ს საგანგებო სიტუაციების კოორდინაციისა და გადაუდებელი დახმარების ცენტრში განუცხადეს, ინფიცირებულს სიმპტომები საკარანტინო ზონაში გამოუვლინდა, სადაც ის იზოლაციაში იმყოფებოდა.

ჯამში, სულ სასწრაფო დახმარების 18 თანამშრომელია კოვიდ-19-ით ინფიცირებული. მათგან, 16 ე.წ. ბოლნისის კლასტერს მიეკუთვნება. ერთი თბილისში გამოვლენილი შემთხვევაა, ერთი კი ქობულეთში.

საქართველოში კორონავირუსი 408 ადამიანს დაუდასტურდა, აქედან 95 უკვე გამოჯანმრთელდა, 4 კი გარდაიცვალა. საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას.