თბილისის ინფექციური საავადმყოფოს სამედიცინო დირექტორმა მარინა ეზუგბაიამ აღდგომის ღამეს ეკლესიაში მყოფი მრევლის თვითოზოლაციაზე ისაუბრა.
"თვითიზოლაციაში უნდა იყოს ყველა ის ადამიანი, ვისაც ეჭვი აქვს, რომ კონტაქტი ჰქონდა ვინმე ინფიცირებულთან," - განაცხადა მარინა ეზუგბაიამ და დასძინა, რომ რეკომენდაციები ეხება მთელ მოსახლეობას და არა განსაკუთრებულად მრევლს.
"ლაპარაკი ასე არ შეიძლება. მხოლოდ ამ სეგმენტზე ნუ ვლაპარაკობთ ჩვენ. მოსახლეობის ძალიან დაბალი პროცენტია, რომელიც ეკლესიურ ცხოვრებას ეწევა და ეს არ ქმნის გაზაფხულს, როგორც ერთი მერცხალი არ მოიტანს ისე.
ზოგადად უნდა ვილაპარაკოთ. თვითიზოლაციაში უნდა იყოს ყველა ის ადამიანი, ვისაც ეჭვი აქვს, რომ კონტაქტი ჰქონდა ვინმე ინფიცირებულთან. ეს ვრცელდება სრულიად საქართველოს მოსახლეობაზე და არა ნაწილობრივ რომელიღაცა სეგმენტზე, "- განაცხადა მარინა ეზუგბაიამ.