ინფექციონისტ მაია ბუწაშვილის განცხადებით, არცერთ პანდემიას და მათ შორის არც COVID 19-ს მოსახლეობის 100%-იანი მოცვა არ ახასათებს.

მისივე თქმით, ინფექციის გავრცელების ჯაჭვები, იმ ადამიანებთან გაწყდება, რომლებსაც ვირუსის წინააღმდეგ ორგანიზმში ანტისხეულები აღმოაჩნდებათ და სხვებს დაავადებას ვეღარ გადასდებენ.

„მოსახლეობის 100%-იანი მოცვა არცერთი ინფექციის დროს არ ხდება. ეს ფაქტიურად შეუძლებელია. წინა პანდემიას თუ გავიხსენებთ H1N1-მა მოსახლეობის 20% მოიცვა. მოსაზრება რომ ეს დაავადება ყველამ უნდა გადავიტანთ ასე არ არის. სიმპტომებით თუ უსიმპტომოდ მოსახლეობის გარკვეული ნაწილი ამ ინფექციას გადაიტანს და ეს ერთ-ერთი პირობა იქნება იმისთის რომ როდესაც გაჩნდება იმუნური ადამიანების ჯგუფი ანუ ისინი ვისაც ანტისხეულები აქვთ თანდათანობით ამ ადამიანებზე გაწყდება ხოლმე გადაცემის ჯაჭვი და დაიწყება პანდემიის უკუგანვითარება", - განაცხადა მაია ბუწაშვილმა "რადიო თავისუფლების" პირდაპირ ეთერში.