ეკლესიებში დიდი რაოდენობით მრევლი არ შეინიშნება, მადლობა მინდა გადავუხადო თითოეულ მოქალაქეს, რომ გაგებით ეკიდება სიტუაციას, - ამის შესახებ საპატრულო პოლიციის უფროსმა ვაჟა სირაძემ განაცხადა.

„საქართველოს მასშტაბით ყველა ტაძარში დაცულია სოციალური დისტანცია. შესაბამისი ღონისძიებები მშვიდ ვითარებაში მიმდინარეობს.

შესაბამისად, ყველა პოლიციელს აქვს დავალება, რომ მთავრობის დადგენილებით გათვალისწინებული მოთხოვნები უზრუნველყოს", - განმარტა სირაძემ.

შეგახსენებთ, საქართველოში კომენდანტის საათი 21:00 საათიდან დილის 6 საათამდე მოქმედებს, შესაბამისად, მრევლი ტაძრებში 06:00 საათამდე დარჩება.