პარასკევს, დილიდან მოყოლებული, მთელი დღის განმავლობაში კორონავირუსით დაინფიცირების არც ერთი შემთხვევა არ გამოვლენილა. სპეციალურ საიტზე - www.stopcov.ge - მონაცემები დილის 10:00 საათის შემდეგ არ შეცვლილა. ეს ბოლო დღეებში უიშვიათესი მოვლენაა.

საქართველოში ისევ 370 დადასტურებული შემთხვევაა, მათ შორის გამოჯანმრთელებული - 79, გარდაცვლილი კი - 3. ამჟამად კარანტინის რეჟიმში 5053 ადამიანი იმყოფება, ხოლო სტაციონარში მეთვალყურეობის ქვეშ - 527.