პრემიერ-მინისტრის მრჩეველი სოზარ სუბარის შეფასებით, რომ არა დიდი რაოდენობით ადამიანების გარეთ გამოფენა, არ გახდებოდა საჭირო ავტომანქანებით მოძრაობის აკრძალვა. იგი არ გამორიცხავს, რომ ავტომობილებით გადადგილებაზე შეზღუდვა 21 აპრილის შემდეგაც დარჩეს ძალაში. 

„საავტომობილო გადაადგილების შეზღუდვა 21 აპრილამდე გამოცხადდა მხოლოდ იმიტომ, რომ დღეისათვის საგანგებო მდგომარეობა არის 21-მდე. ის, რომ ჩვენ შეზღუდვა გამოვაცხადეთ 10 მაისამდე, ამის შესახებ შესაბამისი წარდგინება გაეგზავნება პრეზიდენტს და შემდეგ შევა პარლამენტში. მაგრამ ვიდრე ეს არ მოხდება საგანგებო მდგომარეობაც და სხვა შეზღუდვებიც მოქმედებს 21 აპრილამდე“, - აღნიშნა სუბარმა "იმედის" ეთერში.