წყნეთის ტაძრის ერთ-ერთ მრევლს კორონავირუსი დაუდასტურდა. იგი საპატრიარქოს საავადმყოფოს თანამშრომელია. ტაძრის სასულიერო პირები კარანტინში იმყოფებიან. ცნობილია, რომ ინფიცირებული ქალი 7 აპრილს, ხარების დღესასწაულზე ტაძარში იმყოფებოდა და აღსარებაც ჩააბარა.

საპატრიარქოს საავადმყოფოს თანამშრომელი ქეთი თოდუაა. გავრცელებული ინფორმაციით, ის მეუფე შიოს გარემოცვაში იმყოფებოდა.

მამა ანდრია ჯაღმაიძე ადასტურებს, რომ ქეთი საპატრიარქოს საავადმყოფოს თანამშრომელია.

„ქეთი თოდუაზე მითხრეს, მაგრამ გადამეტებულია, რომ ის მეუფე შიოს გარემოცვაშია. ის საპატრიარქოს საავადმყოფოს თანამშრომელია. თვეზე მეტია არ ყოფილა საპატრიარქოში“, – განაცხადა მამა ანდრიამ.