ინფექციური საავადმყოფოს სამედიცინო დირექტორმა, კორონავირუსთან დაკავშირებით, ქვეყანაშ არსებულ მდგომარეობაზე გააკეთა კომენტარი, მისი თქმით, ბოლო 24-საათში საქართველოში კორონავირუსის 10 ახალი შემთხვევა დაფიქსირდა.

როგორც მან აღნიშნა ინფექციურში ამ დროისთვის სულ 39 პაციენტი მკურნალობს. 2 პაციენტის მდგომარეობა მძიმეა, ხოლო რაც შეეხება 9 თვის ბავშვს, „ის ყველაზე კარგად გრძნობს თავს", - განაცხადა ეზუგბაიამ.

ინფექციურ საავადმყოფოში ამ დროისთვის 6 არასრულწლოვანი მკურნალობს.

საქართველოში კორონავირუსი 306 ადამიანს დაუდასტურდა, აქედან 69 უკვე გამოჯანმრთელდა. ინფორმაცია მთავრობის მიერ შექმნილ ვებგვერდზე stopcov.ge გამოქვეყნდა.