რუსეთში კორონავირუსის სამკურნალო პრეპარატი შექმნეს. რუსული მედიის ინფორმაციით, ამის შესახებ ქვეყნის ჯანდაცვის მინისტრმა მიხეილ მურაშკომ ქვეყნის პრეზიდენტთან ვლადიმერ პუტინთან თათბირის დროს განაცხადა.

„რუსულმა კომპანიამ შეიმუშავა პრეპარატი, რომლის ტესტირებაც ჩვენმა კოლეგებმა განახორციელეს მთელ რიგ ქვეყნებში. ეს უკვე მთლიანად რუსული ანალოგია და წარმოებულია კლინიკური ტესტირებისთვის. მოკლე დროის განმავლობაში შეფასდება მისი წინაკლინიკური გამოკვლევები", -განაცხადა რუსეთის ჯანდაცვის მინისტრმა.

მისი თქმით, მედიკამენტის კლინიკური გამოცდა 10-12 დღეზე ადრე არ დაიწყება. მანვე დასძინა, რომ უწყება გარკვეულ რისკებს ხედავს კორონავირუსის საწინააღმდეგო ზოგიერთი პრეპარატის დეფიციტზე.