ზუგდიდის ინფექციური საავადმყოფოდან კრონავირუსისგან გამოჯანმრთელებული პაციენტი გაწერეს. ამის შესახებ ი
ინფორმაცია ჟურნალისტებს ექიმმა-ინფექციონისტმა ლალი დარახველიძემ განუცხადა.
„პირველად შემოსულ პაციენტის, ბიოლოგიური მასალა, რომელსაც კორონავირუსი დაუდასტურდა, ტესტირებაზე ორჯერ გაიგზავნა. ორჯერვე მიღებული უარყოფითი პასუხის შემდეგ პაციენტი ჩაითვალა გამოჯანმრთელებულად და დღეს სტაციონარიდან გაეწერა", - განაცხადა ექიმმა.
გამოჯანმრთელებული ადამიანი თვითიზოლაციაში საკუთარ სახლში დარჩება და მასზე ოჯახის ექიმი განაგრძობს მეთვალყურეობას.
საქართველოში კორონავირუსი 266 ადამიანს დაუდასტურდა, მათგან 67 გამოჯანმრთელდა, 3 კი გარდაიცვალა. საქართველოს კიდევ 3 მოქალაქეს კორონავირუსი სხვა ქვეყნებში დაუდასტურდა და ისინი საქართველოში აგრძელებენ მკურნალობას.