რუსეთის პრეზიდენტის, ვლადიმერ პუტინის განცხადებით, რუსეთში კორონავირუსთან დაკავშირებით სიტუაცია უარესდება.
„ჩვენ ვხედავთ, რომ სიტუაცია პრაქტიკულად ყოველდღიურად იცვლება, სამწუხაროდ იზრდება დაავადებულების რაოდენობა. სულ უფრო ხშირია მძიმე შემთხვევები", - განაცხადა ვლადიმერ პუტინმა.
მისი თქმით, ქვეყანამ უნდა გაითვალისწინოს მოვლენების განვითარების ყველაზე უარესი სცენარიც. რუსეთის პრეზიდენტის თქმით, უახლოესი კვირები კორონავირუსის გავრცელების კუთხით გადამწყვეტი იქნება.
პუტინმა ასევე არ გამორიცხა, რომ რუსეთში „კოვიდ-19"-თან ბრძოლაში სამხედროებიც ჩაერთონ.
„ეს საჭირო თუ გახდება, აუცილებელია კორონავირუსთან ბრძოლაში სამხედროების ჩართვა", - განაცხადა პუტინმა.