საქართველოს ყოფილი პრეზიდენტი გიორგი მარგველაშვილმა „ტვ პირვეკლის“ ეთერში კარანტინის რეჟიმის ფარგლებში სახელმწიფოს მიერ გატარებული ღონისძიებები გააკრიტიკა.

„უცებ გაჩნდა მითი, რომ თითქოს საქართველო არის გამონაკლისი მთელი მსოფლიოს მასშტაბით“, – აღნიშნა მარგველაშვილმა.

გადაცემის წამყვანმა მას გავლენიანი საერთაშორისო გამოცემის, „გარდიანის“ დღევანდელი სტატია შეახსენა, სადაც კორონავირუსის წინააღმდეგ საქართველოს წარმატებულ ბრძოლაზეა საუბარი.

„შეხედეთ სტატისტიკას, ნახავთ, რომ საქართელოს მდგომარეობა კარგია, მაგრამ ეს არ არის – ღმერთო ჩემო რა მოხდა – ამბავი. მთელი სტატისტიკა დევს ხელის გულზე. მსოფლიოში ბევრი ქვეყანა ანალოგიურ, ან კიდევ უფრო უკეთეს მდგომარეობაშია. აქ დიდი როლი შეასრულა ლუგარის ლაბორატორიამ და ქართველმა ექიმებმა“, – განაცხადა მარგველაშვილმა, რომელიც მიიჩნევს, რომ სადაც საჭიროა იქ ეკონომიკა და მოქალაქეების აქტივობა არ უნდა გაჩერდეს.