ჩვენი ეკლესია ძალიან სწორად იქცევა მსახურებას რომ არ ცვლის. არავის არ ვეძახით მოდითო, მაგრამ ხომ ხედავთ, რომ ხალხი თვითონ მობრძანდება - ამის შესახებ ჟურნალისტებს ბოდბელმა ეპისკოპოსმა, მეუფე იაკობმა განუცხადა.

სასულიერო პირის თქმით, სააღდგომო ლიტურგია აუცილებლად ჩატარდება.

„აუცილებლად ჩატარდება სააღდგომო ლიტურგია და როგორ ჩატარდება, მაგას ვნახავთ. ჩვენი ერი გონიერია და ხელისუფლებასთან ერთად შევძლებთ, რომ სააღდგომო მსახურება ისე ჩავატაროთ, როგორც ტარდება და გვაცადონ, რომ წესრიგზე ვიზრუნოთ" - განაცხადა მეუფე იაკობმა.