ინფექციური საავადმყოფოს სამედიცინო დირექტორმა, მარინა ეზუგბაიას ინფორმაციით ამ ეტაპზე ქვეყანაში არის 236 დადასტურებული შემთხვევა, მაგრამ მათგან 3 შემოტანილია უცხოეთიდან: 2 სომხეთიდან და 1 თურქეთიდან.

„ამ ეტაპზე გვყავს 236 დადასტურებული შემთხვევა, მაგრამ მათგან 3 შემოტანილია უცხოეთიდან: 2 სომხეთიდან და 1 თურქეთიდან. ამ ადამიანებს კორონავირუსი იქ დაუდასტურდათ, მაგრამ საქართველოს მოქალაქეები არიან და აქ გაივლიან მკურნალობას. ეს 3 შემთხვევა ცალკე უნდა განიხილებოდეს. შესაბამისად, გამოდის, რომ 24 საათის განმავლობაში გვყავს 2 ახალი შემთხვევა. დღე-ღამის განმავლობაში 15 პაციენტდან ჩატარდა ტესტირება და ერთს დაუდასტურდა კორონავირუსი. ჩვენ ახლა გვყავს 35 დადასტურებული შემთხვევა გვყავს და 38 უკვე განიკურნა. რაც შეეხება ჯანმრთელობის მდგომარეობას, 3 პრობლემური პაციენტი გვყავს, მაგრამ მათი მდგომარეობა არ გაუარესებულა“, - განაცხადა ეზუგბაიამ.

რაც შეეხება stopcov.ge-ს მონაცემებს, იქ ჯერ კიდევ არ ასახულა ცვლილებები და კვლავ დაინფიცირებულთა შემცირება ფიქსირდება.