აშშ-ში გასულ 24 საათში „კოვიდ-19"-ით ინფიცირების 33 000 ახალი შემთხვევა გამოვლინდა, შედეგად ქვეყნის მასშტაბით ვირუსით ინფიცირებულთა რიცხვმა 432 132-ს მიაღწია.

„სიენენის" ინფორმაციით, ქვეყანაში ვირუსით სულ დაღუპულია 14 817 ადამიანი, მათ შორის, გასული დღე-ღამის განმავლობაში 1 922 პაციენტი დაიღუპა, რაც ერთ დღეში სიკვდილიანობის ყველაზე მაღალი მაჩვენებელია აშშ-ში, რაც აქამდე დაფიქსირებულა. აქედან 779 შემთხვევა მხოლოდ ნიუ იორკში იყო.

ამასთან, აშშ-ში ვაიომინგი ერთადერთი შტატია, სადაც კორონავირუსით გარდაცვალების არც ერთი შემთხვევა არ დაფიქსირებულა.