აზერბაიჯანში „კოვიდ 19“-ით ინფიცირების 63 ახალი ფაქტი გამოვლინდა. ინფორმაცია აზერბაიჯანის მინისტრთა კაბინეტთან არსებულმა ოპერატიულმა შტაბმა გაავრცელა. ინფიცირებულთაგან 14-ის ჯანმრთელობის მდგომარეობა მძიმეა, 21-ის საშუალო სიმძიმის, დანარჩენების მდგომარეობა კი სტაბილურია.

აზერბაიჯანში კორონავირუსი უკვე 647 ადამიანს დაუდასტურდა, 32 ადამიანი გამოჯანმრთელდა, ხუთი კი დაიღუპა. განსაკუთრებული რეჟიმის საავადმყოფოში ამ დროისთვის 547 ადამიანი მკურნალობს.