covid- 19-ის დიაგნოზი გურჯაანის მუნიციპალიტეტის სოფელ კარდენახში, თბილისიდან ოჯახის წევრის დაკრძალვაზე ჩასულ 19 წლის ახალგაზრდას დაუდგინდა.

ინფორმაციას ადასტურებს გურჯაანის მუნიციპალიტეტის მერი არჩილ ხანდამაშვილი.

„მიმდინარეობს კონტაქტების შესწავლა, ეპიდემიოლოგები მუშაობენ, დღის ბოლომდე გვეცოდინება ყველაფერი",- განაცხადა ხანდამაშვილმა.

გავრცელებული ინფორმაციით, ახალგაზრდა დაკრძალვის გარდა, გურჯაანის მუნიციპალიტეტშიც მოძრაობდა. იგი დაკრძალვაზე 19 მარტს იმყოფებოდა.

ამ დროის მონაცემებით, საქართველოში COVID-19-ით ინფიცირების 110 შემთხვევა დადასტურდა.