გარემოს ეროვნული სააგენტოს ინფორმაციით, დღეიდან საქართველოში ტემპერატურა დაიკლებს.

სინოპტიკოსების ინფორმაციით, 14-15 მარტს მოსალოდნელია დროგამოშვებით ნალექიანი ამინდი, ზოგან ელჭექი და ცვალებადი მიმართულების ქარი.

16 მარტიდან კი მოსალოდნელია წვიმა, მაღალმთაში თოვლი, ზოგან ძლიერი და ქარბუქი. მნიშვნელოვნად დაიკლებს ჰაერის ტემპერატურაც – დაბლობსა და ბარში დღისით 6-11 გრადუსამდე.

თბილისში 14-16 მარტს დროგამოშვებით იწვიმებს, იქროლებს ჩრდილო-დასავლეთის მიმართულების ქარი. ჰაერის ტემპერატურა 14-15 მარტს 16-18 გრადუსს, ხოლო 16 მარტს 9-11 გრადუსამდე დაიკლებს.