კორონავირუსის ბევრი შემთხვევა გვექნება, მაგრამ იქნება კონტროლირებადი, რადგან შიდა გადაცემა ჯერჯერობით არის ერთეული და არ ფიქსირდება მესამეული და მეოთხეული გადაცემა, - ამის შესახებ ინფექციური საავადმყოფოს დირექტორმა, თენგიზ ცერცვაძემ განაცხადა.

„სპეციალისტები თვლიან, რომ როდესაც ინფექციას მეოთხე პირი სხვას გადასცემს, იქ ეპიდემია შეიძლება უკონტროლო გახდეს", - აღნიშნა ცერცვაძემ.

საქართველოში კორონავირუსით 25 ადამიანია ინფიცირებული, მათგან ერთი მცირეწლოვანი - 12 წლის ბავშვია. საქართველოში 23 ინფიცირებული იტალიიდან, დანარჩენი 2 კი, ირანიდან შემოვიდა.