სახელმწიფო უწყებების დიდი ნაწილი დღეიდან მუშაობის დისტანციურ რეჟიმზე გადადის. აღნიშნულის შესახებ რეკომენდაცია საქართველოს პრემიერ-მინისტრმა, კორონავირუსის გავრცელების საშიშორებიდან გამომდინარე, გუშინ გასცა და სამინისტროებმაც შესაბამისად გაითვალისწინეს. 

სამინისტროებისა და სხვა სახელმწიფო უწყებების თანამშრომლების ის ნაწილი, რომელთა საქმიანობასაც არ სჭირდება სამუშაო ადგილზე ყოფნა, სახლიდან მუშაობის სისტემაზე, ონლაინ რეჟიმზე გადადიან. 

პრემიერ-მინისტრმა დისტანციურ რეჟიმზე გადასვლის რეკომენდაცია, როგორც სახელმწიფო სტრუქტურებს ასევე კერძო სექტორის წარმომადგენლებსაც მისცა.