საქართველოს მოქალაქეები რომის აეროპორტიდან საქართველოში სპეც-რეისით ბრუნდებიან. ამბის ამსახველი ფოტო და ვიდეო-მასალა Report.ge-ს რეისის ერთ-ერთმა მგზავრმა მიაწოდა. მისი თქმით, დანიშნულია ორი რეისი, რომელთაგან ერთი, საქართველოს დროით 14:40 საათზე, ხოლო მეორე 16:00 საათზე გამოფრინდება.

"აეროპორტში მშვიდი გარემოა. მოქალაქეები ვიკრიბებით, რათა შესაბამის რეისებზე გადაგვანაწილონ. ამ დროისთვის, ადგილზე 80-მდე მგზავრი ვართ", - განაცხადა მან.

იტალიაში საქართველოს საელჩოს ცნობით, მგზავრები ჯანდაცვის საერთაშორისო ორგანიზაციის მიერ დადგენილი პროტოკოლის გათვალისწინებით ჩამოვლენ.