პატარა ანიტა ფაცაციას გარდაცვალებიდან 40 დღე გავიდა. გუშინ გოგონას დედის ინიციატივით, ანიტას სახელობის ფონდი ოფიციალურად დაფუძნდა. ფონდი ჯანმრთელობის პრობლემების მქონე ნებისმიერი ასაკის ადამიანს დაეხმარება. ანიტას სახელით სიკეთის კეთება სწორედ ამ გზით გაგრძელდება.
საბანკო ნომრები და რეკვიზიტები ანიტას ჯგუფში ძალიან მალე გამოჩნდება. საქველმოქმედო ფონდს მისი ოჯახი უხელმძღვანელებს.
"მოგესალმებით, ჩვენო ადამიანებო.
ანიტას სახელით დაწყებული სიკეთის აურზაური გრძელდება. გრძელდება, ახლა უკვე ოფიციალური ფორმით და განსაკუთრებული სახელით - "ანიტას ფონდი "
ძალიან მალე, ჯგუფში გამოჩნდება ფონდის ლოგო, რეკვიზიტები, საქველმოქმედო ნომერი, ანგარიში საზღვარგარეთ მყოფთათვის.
შეიცვლება სამუშაო სპეციფიკა და სხვა სიახლეებისა და ცვლილებების შესახებაც ეტაპობრივად მოგაწვდით ინფორმაციებს", - აღნიშნულია გვერდზე "ანიტასთვის" გამოქვეყნებულ მიმართვაში.