საქართველოს სავალუტო ბაზარზე პანიკა დაიწყო. 2 დღეა ლარი კატასტროფულად უფასურდება. ამ დილით, 11.10 საათისთვის "ბლუმბერგის" სავაჭრო პლატფორმაზე გაცვლითმა კურსმა 2,87-იან ნიშნულს მიაღწია. ბოლო ორ დღეში ლარი 10 პუნქტით დაეცა და დოლარის მიმართ 3,7%-ით გაუფასურდა. გაურკვევლობაა გარე სავალუტო ჯიხურებსა და ბანკების გაცვლით პუნქტებში. ზოგიერთ შემთხვევაში დოლარის გაყიდვის კურსი 2.90-საც აღწევს. ოფიციალური კომენტარი ეროვნული ვალუტის უეცარი ვარდნის შესახებ არ გაკეთებულა. 

ამჟამად"ბლუმბერგზე" 1 დოლარი 2.85 ლარი ღირს და ვაჭრობა უცხოურ ვალუტაზე მზარდი მოთხოვნის ფონზე მიმდინარეობს.