ამ დროისთვის თბილისის ცენტრალური ინფექციური საავადმყოფოს ბოქსირებულ განყოფილებში 23 პაციენტია მოთავსებული, მათგან 3 წუხელ შეიყვანეს.

იმ პაციენტებიდან, რომლებსაც კორონავირუსი დაუდგინდათ, ერთის მდგომარეობა საშუალოზე მძიმე რჩება, კიდევ ერთი პაციენტის მდგომარეობა კი სხვებთან შედარებით ოდნავ დამძიმდა, ვინაიდან მას ტემპერატურა უფიქსირდება.

ინფექციური პათოლოგიის, შიდსისა და კლინიკური იმუნოლოგიის ცენტრის გენერალური დირექტორის, თენგიზ ცერცვაძის ინფორმაციით, ამ ორი პაციენტის მდგომარეობა შედარებით მძიმეა. ერთს ორმხრივი ფილტვების ანთება დადასტურებული აქვს და ანალოგიურ მდგომარეობაშია, სავარაუდოდ, მეორე პაციენტიც.