გორში, კვერნაქის დასახლებაში ავარია მოხდა. მსუბუქი ავტომანქანის მძღოლმა საჭე ვერ დაიმორჩილა და ბორდიულზე ამობრუნდა. ავარიის დროს მანქანაში 14 და 18 წლის ბიჭები ისხდნენ.

ორივე მათგანი გადაყვანილია ,,გორმედის კლინიკაში, ერთ-ერთ მათგანს აღენიშნება მსუბუქი დაზიანებები.

„ორივეს ჯანმრთელობის მდგომარეობა სტაბილურია. პაციენტებს გაეწიათ შესაბამისი დახმარება, პარალელურად, გრძელდება კვლევები. ორივე მათგანის ჯანმრთელობის მდგომარეობა სტაბილურია და მათ სიცოცხლეს საფრთხე არ ემუქრება“, - განაცხადა ექიმმა ვიტალი სავანელმა.