ინფიცირებული 12 შემთხვევიდან უმრავლესობა უკავშირდება იტალიასთან პირდაპირ ან ირიბ კონტაქტს და ორია დაკავშირებული ირანში მოგზაურობის ისტორიასთან, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ბრიფინგზე განაცხადა.

მისი ინფორმაციით, ინტენსიურად მიმდინარეობს იმ ადამიანების კვლევა, ვისაც იტალიიდან ჩამოსულ ხალხთან ჰქონდა კონტაქტი.

კითხვაზე: უნდა დაისაჯოს თუ არა ადამიანი, რომელმაც დამალა დაავადება და გააგრძელა სამსახურში სიარული? ამირან გამყრელიძე პასუხობს, რომ „მე მოგიწოდებთ ყველას, სამოქალაქო და მორალური პასუხიმგებლობის გაზრდისკენ. დასჯადია თუ არ არის დასჯადი, მაპატიეთ მაგრამ, ამაზე არ ვიძლევი კომენტარს".