თამრიკო ჭოხონელიძეს პატრიარქთან შეხვედრა სურს. როგორც მომღერალი ამბობს, მან არაერთ ადამიანს დააბარა უწმინდესთან, რომ შეხვდეს, თუმცა ჯერჯერობით პასუხი არ მიუღია.
ჟურნალი „სარკისთვის" მიცემულ ინტერვიუში ჭოხონელიძე თავის სურვილზე ყვება. მან ოჯახის სიწმინდის დაცვის დღისადმი მიძღვნილ კონცერტზე არ იმღერა, რასაც შედეგად მოჰყვა ის, რომ არც მარიამს და არც თავად მას, წელს სამების საკათედრო ტაძარში, საშობაო ლიტურგიაზე არ უგალობიათ.
- შეუძლებელია უწმინდესი ჩემზე ნაწყენი იყოს. რა ინფორმაციასაც აწვდიან და რაც ჩემამდე მოდის, მართალი არ არის. პატრიარქს რომ შემახვედრა, ზუსტად ვიცი, ყველაფერს ავუხსნი და ის ყველაფერს გამიგებს. არა ერთ პირს დავაბარე, რომ მასთან შეხვედრა მინდოდა და როგორმე შევეხვედრებინე, მაგრამ... ერთი პროცენტითაც არ ვუშვებ იმას, რომ პატრიარქი უარს ამბობს ჩემთან შეხვედრაზე. იმდენად პროგრესულად მოაზროვნე ადამიანია, შეუძლებელია, ჩემი პოზიცია მისთვის მიუღებელი იყოს. სანამ პატრიარქს თვალებში არ ჩავხედავ, არ დავიჯერებ, რომ ჩემზე ნაწყენია. ვფიქრობ, უფალი აუცილებლად შემახვედრებს. არ მიცხოვრია ისეთი ცხოვრებით, რომ იმის ღირსი ვიყო, ისე წავიდე ამქვეყნიდან პატრიარქს არ შევხვდე.